Natuyo ako
Apang 'di makatulog
Sa akon huna-huna may nagasabad
Isa ka pilas sang aton nanligad.
Ikaw akon nadumduman
Hindi ako mapahamtang sa hiligdaan
Sa tagsa ka pagtunaw sg kandila
Ang mga luha nagatulo man.
Daw sa ano kasakit sa dughan
Sang imo ako gintalikdan
Pareho sg peke nga bulawan
Gugma mo naglubad.
Ginpiyong ko ang akon mga mata
Basi man lang malipatan ka
Apang anhon ko, wala ako mahimo
Laragway mo ara sa tagipusoon ko.
Kung sa diin ka man
Kuntani mabatyagan mo man
Nga ari ako nagahulat sa imo
Sa katungdanan sg sumpa mo.
No comments:
Post a Comment
Say something
Note: Only a member of this blog may post a comment.